Last Day of this School Year

終於嚟到今個學年最後一日, 
有啲唔捨得Mrs. Hirchag (妹子老師) , 
同佢hug, say goodbye 嘅時候, 
終於忍唔住喊, 
我真肉酸...

為老師準備咗小小心意... 
(日本market counter shop嘅 ~ 神户威化, 好薄, 好好味架!!)

仲有晒番噚日Field day 啲相 + 一包糖仔俾小朋友...
另外, 會送隻老鼠仔擺設俾我哋"Miss 靚靚 ~ Miss Strader"...

要派成績表喎, 
點解兩隻小鬼一啲都唔緊張??!!
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
放咗學 2:00pm, 
小韻嘅肥肥老師又約小朋友一齊去睇戲。 

今次係睇Disney 新嘅3D 卡通"UP"...

妹子又嘈要去, 我同老公就跟埋去!!!

http://disney.go.com/disneypictures/up/

故事 : ~

一個渴望成為飛行家嘅小男孩 Carl, 偶爾遇上志同合道, 希望可以去南美 ~ Paradise Falls (a land lost in time) 探險嘅小女孩Ellie...

兩人長大, 相戀, 結婚, 年老, 恩愛甜蜜...

直至Ellie 老去, 始終未能實現去南美嘅夢想!!!
為咗完成太太遺願, 已經係老伯伯嘅Carl, 決定用好多好多汽球, 升起埋佢間屋, 同"Ellie"飛去Paradise Falls.
肥仔小童軍Russell, 本想為Carl伯伯做義工而換取升級獎章, 成為高級童軍, 點知佢去探訪時候, 正係Carl出發之日, 於是, 無意中跟埋伯伯一齊飛咗上天...

3D 做得好好, 故事簡單, 小朋友一定睇得明。

我好鍾意套戲上半部份 Carl 同Ellie 細細個認識, 同後來結婚, 年老嗰段, 好sweet!!!

雖然其中兩小節戲有啲悶, 但, 後段戲有唔少攪笑部份架!!! 

都值得去睇嘅!!!

School Year End Field Day

今朝早, 
我哋Track A 全部小朋友(K-6th Grade),  
都可以唔駛上堂, 
過咗去學校隔離個公園玩, 
兼picnic。
 
佢哋梗係開心啦, 
難為我哋自願去幫手嗰班家長, 
企足三個鐘陪你哋做阿四...

 

小韻 class... (見肥肥老師嗎?)

 

小妹子 class... 
班細路曳到死, 
我全程跟實佢哋, 
幫手老師睇住啲男仔...

 

 

玩水...
全部濕哂...

 

海綿擺頭...

 老師請食雪條... 

等佢哋食完番入班房先走!!!

YMCA 報名學游水

小妹子突然要求要去上游水班... 
(我本來都諗住今年俾佢去)

YMCA 係我唯一選擇, 
雖然貴少少(US$77 ), 
又要俾 membership ($45), 
但, 因為city 開嘅班, 
時間夾唔到7月以後要番學, 
冇辦法!!! 

 

呢度啲人好變態, 
八點半開始報名, 
五點就有人排隊...

老公唔俾我咁早出去, 
但係, 我又担心報唔到名, 
於是, 成晚碌來碌去,
我諗我三點幾至瞓得著,
今早未夠五點半, 
自動扎醒... 

既然都唔會瞓得番, 
不如早啲走去YMCA 睇吓!!!

今年改咗制, 
唔駛排隊, 
六點開始可以簽到, 
之後八點半再番去登記, 
咁就好好多, 
唔駛傻更更咁企個幾兩個鐘!!!

雖然我準時六點去到, 
但張sign-in list 已經有十五個人, 
真係好難想像排第一嗰個今朝幾點去霸位。

最終都攪掂, 
我完成任務...

小妹子, 要俾心機學呀!!! 

Memorial Day 放假

今日Memorial Day (國殤日) 假期, 
唔駛番學, 
可以瞓晏, 正!!! 

5點同女出去公園踩單車/Roller, 
帶埋Mell 去影相...

 

 

 

踩單車 + 走狗

噚晚小妹子已經講定今日要出去踩單車...

下午出Costa Mesa 食日本拉麵, 
咖喱飯, 買完零食, 
South Coast Plaza 都唔肯去, 
即要嘈住番屋企,
事關心急踩單車去也!!!

 

 

 

PS> "走狗" ~ Mochi 趁妹子開門上車, 即衝出街, 搏命咁走, 妹子喊哂大叫救命, 我就傻婆咁追出去。 

"亞崩叫狗, 越叫越走"!!! 

雖然最終都捉到Mochi, 但我就癲婆一樣, 成條街都聽到我叫 :  "Mochi, stop, Mochi stay..."

唉!!! 好耐冇咁走過, 熱得我吖!!! 我老公話, 以後每日都放走Mochi 一次, 叫我去追, 等我做吓運動喎...

School Open House ~ 開放日!!!

5/14 (Thur) 今日係busy day...

同老公去Pacific Fish Grill 食完Lunch, 
再一齊去接小妹子放學。(小韻去畫畫班)
再去接番小韻... 

之後, 休息一陣, 
又要出去...

因為,

今日又係一年一度學期尾開放日,
(呢度叫 Open House)...

實際上係"俾面派對", 
老師佈置好間班房, 
display 哂呢一個學年, 
啲小朋友响學校做過セ嘢, 
學咗啲セ... 

仲有就係之前嘅大project 都會show 出嚟,
各位家長, 
係比試嘅時候嘞!!! 

唔想失禮, 
又要俾大家知道你有幾關心同緊張自己個kid, 
就睇呢份功課嘞!!!

小韻嘅classroom...

 

 

 

小妹子嘅Classroom ... 

 

 

Water Conservation Drawing Contest

又係繪畫比賽,  
今次係我哋住嘅city 舉辨嘅Water Conservation Drawing Contest。

原本係兩星期前公佈結果, 
收唔到電話/信通知, 
我哋諗住唔得。 

點知, 噚日(Mon) 朝早, 
city 有人call 嚟 : 小韻係5th Grade 組 Winner。

今晚, 5/12 (Tue) 7pm ~ City Hall 由市長負責頒獎...

K-12th 年級, 每個grade 只有一個人得獎... 

見到張獎狀background 係小韻嘅畫... 

雖然冇獎杯, 
亦冇獎品, 
但係佢幅畫會造咗路牌掛响City Hall, 
遲啲就放响學校大門ロ。

 

因為LA呢幾年都少雨水, 
所以要制水嘞!!  

限時洗車淋花淋草, 
如被發現浪費食水仲會罰錢呀!!!

Lulu 想要的 Mother's Day!

Happy Mother's Day!!!

母親節又到...

四圍都咁逼人, 
奶奶提議, 
下星期老爺生日, 
兩餐combine 埋一餐食... (好喎!!!)   
咁就預早送咗Kiehl's 俾奶奶先,

要Call 番香港俾亞媽... 

小韻同妹子响學校做咗啲手工俾我做禮物!
小韻嘅... (Card, 紙花同幫手做家務coupons...)

妹子嘅... (用clay 做一個葉形放乾花嘅碟仔 ~ 好靚架!!!)

 

 

其實, 我最想就係可以靜靜哋睇吓電視, 食吓嘢就係最理想嘅母親節慶祝!!!

小妹子的"無厘頭"新詩

小妹子前兩日响嫲嫲屋企食完飯, 
寫咗呢篇"無厘頭" 母親節新詩...

唔好理佢串字同啲 gramma 啱唔啱, 
但, 可以知道佢腦仔諗緊乜, 
原來, 小朋友都可以咁浪漫喎!!!   
(雖然唔明佢講乜???!!!)

 

"Happiness in your heart is special because it brings you love.  But what if your heart has evil in it!  Just think of love then, poof!!! It disappears out of nowhere.  Think of love is better than you think but it's special to me. Love is great.

Love defeats evil."

Mama, I Love U... Drawing Contest

星島日報 ~ "媽媽, I Love U" 繪畫比賽...

 

小韻嬴咗優異獎...

一睇就知小韻畫呢個媽媽唔係我,
我有咁瘦就好嘞!!!

本來 5/3 (Sun), 
要出Arcadia Westfield Mall 領獎, 
因為太遠, 
所以冇去到!!! 

噚晚(星期一), 
出奶奶屋企食Dinner 前去City of Industry ~ 星島報館攞番份獎。 
嘩!!! 
大佬, 近好多!!!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
小妹子都有畫架, 
但就入唔到圍,
佢好唔開心!!!