寂寞港孩 与 廿分鐘聆聽者

忽然記起返港期間一件小事...

小韻生日, 
去遊海洋公園,

回程等巴士嘅時侯, 
有個十歲"哥哥仔"同我搭訕。

我見佢青靚白淨, 
整整齊齊, 
睇落幾醒目, 
就不妨同佢嗲幾句!!! 

哈, 
香港小朋友, 
果然係唔同, 
說話有文有路, 
非常"老積", 
唔似得我兩個女, 
傻傻更更咁!!! 

我奇怪父母點會放心俾佢一個人仔走嚟海洋公園玩?? 
原來身後有個不停煲電話粥嘅菲傭跟住...

佢同我講, 
爸媽都忙, 
平日只有菲傭帶佢四圍去,
就算大人放工返屋企, 
都係冇時間陪佢玩, 
同佢傾偈... 

聽到小男孩呢番話, 
我覺得佢好可憐, 
我心好酸.... 

反而小朋友講嘅時候, 
冇唔開心, 
好平常,
或者佢早已經習慣咗。

後來, 
我哋等咗好耐都唔見有巴士, 
老公就拉住我哋走去截的士, 
小男孩好唔捨得我, 
大聲叫 : "喂, 你哋去邊呀? 唔等巴士咩? "  
我只有回頭同佢揮手講"拜拜"。

**************************************************************

一個四年級小朋友, 

竟會主動撩我呢個陌生姨姨傾偈,
我可以感受到佢好孤單, 
好渴望有人可以聽佢, 
陪佢。

作為廿四小時全職照顧孩子嘅媽媽, 
我同情小男孩, 
亦為佢父母難過。

知道同樣嘅例子, 
香港多的是, 
大家都要為口奔馳而忽略孩子... 

我只有祈望各位父母, 
盡可能抽多啲時間陪小朋友, 
物質上嘅富足,
並唔能夠治療寂寞嘅小心靈, 
佢哋真係好需要你...

小男孩, 我祝福你!!!

一個下午

一個藍天白雲,
陽光絢爛的下午,

眼泛淚光的老爸,

挽着他穿戴漂亮的寶貝女兒,

隨着鋼琴聲,

緩緩步入莊嚴的教堂...

從此刻開始,

他的小娃娃,

變成了別人的太太...

***************************************************

爸,
轉眼間十三個年頭了,
想起你不捨得我的那一刻,
情景很動人...
爸, 不用担心,
不用牽掛,
即使我已當了媽媽,

我仍是你的小女兒,

永遠愛你!!!

*****************************************************

差點忘記最重要的 : ~

老公, Happy Anniversary !!!

這個晚上 (Our Anniversary)

在這個結婚周年的晚上,
沒有花,
沒有浪漫燭光晚餐...

有的是難得拍拖 "撐抬腳" 的機會,
吃的是鰻魚和海膽寿司,

但卻回味無窮!!!

沒有跟女兒一起吃飯,

特意買了個芒果旦糕,

想填補一點內疚感,

又想和她們分享我們的喜樂...

女兒給我們送上親手做的黏土公仔...

暑假的無聊作畫

暑假放咗剛好一個月,
日日閒來無所事事,
小韻除咗玩online game,
同小朋友chat 吓,

就係睇書同畫畫...

勁無聊Mini Mario ...

植樹日

今年係我哋搬嚟Chino Hills 第十年,
所謂 : "十年樹木..."

可惜,
我哋門口棵大樹有病,

一定要拔走,

唔係一陣壓傷咗人就大件事...

好曬嘅下晝,

幫我哋打理花園嘅"墨西哥"叔叔,

收咗US$350,
移走原先嗰棵,

種咗呢棵"不知名"樹仔,

十年後,

將又係另一番新貌!!!

 ** 到時, 我哋會唔會搬咗呢??