Meet the Teacher 2012

今早陪小妹子返學 "Meet the Teacher",
希望可以派到 Mr. Riley 嗰班...

去到學校見到張編班 list,
差啲暈低 ~

妹子去咗最唔想要嗰個 Mrs. Lupinetti,
聽聞佢因為教慣低年級,
所以高班啲嘢唔係好掂...

失望到想喊,
但又冇辦法!!!

唯一感到安心係呢個老師好 nice,
未曾開學,
已經對妹子今年成績唔敢有太大期望...

暑假倒數最後兩日,
星期一,
開學喇!!!

熊爸爸回家了!!!

1988年,
當銅鑼灣 "三越百貨" 仲未停業嘅時候,
當 Sylvanian Families 仍然叫 "Maple Town",
係"Bandai" 生產嘅時候,
又碰啱 "Mrs. Bear、Bobby & Bonny" 呢三母子減價,
我就帶咗佢哋返屋企...

從此,
"Mrs. Bear" 就要 "寡母婆" 守仔,
一守就廿幾年嘞!!!

最近,
竟然俾我喺 eBay 見到失踪多年嘅 "Mr. Bear",
諗都冇諗,
即刻落bid ....

好囉 ~ 熊爸爸終於回家了!!!

** 本來仲有一隻著藍白間 Tee 嘅 Bear 弟弟, 送咗俾細佬, 移民之後唔見咗...

古董 (2)

又喺網上尋寶,
今次只係用 US$6,
買到呢set 1985年美版 Windward Wedding Rabbit 古董兔...

我冇呢種朱古力色兔兔...

因為年份不淺,
又 Display 過,
腳仔有少許 "撻" 咗毛,
婚紗亦有污漬,
但整體尚可接受,
價錢平,
所以扑鎚 ~ 買!!!

Calico Critters Coloring Contest

Ding Dong ~ 爸B : "有人送嘢嚟, 小鬼, 收貨!!!" From New Jersey ?? 邊個Order 嘢送俾我啲女呀 ??  
快啲拆啦, 好緊張呀 ~

"嘩, 媽媽, 我哋得獎呀!!!"

忘記咗參加過 Calico Critters 填色比賽...

雖然唔係頭獎, 優異獎都有兩盒 Play Set, 好意外, 好開心呀!!!

Good job, Girls !!!

買賊船?? 上咗賊船... (2)

上回講到 ~

喺 eBay 買咗隻 "賊船", 收到盒郵包未拆已知大鑊, 果然, 一見到我就差啲暈低...

盒面印刷好差, 啲 Characters 全部拉長變哂形, 好明顯係老翻啦!!!

再打開裏面, 啲包裝膠袋, 本說明書真係 cheap 到嚇死人, 連小妹子都接受唔到, 要我嘈佢refund 囉...

即刻email 個賣家, 話佢知 ~我要refund 呀!!!

佢竟然夠膽話一早寫明係 "Made in China",  
佢冇錯喎, 最多退番US$10,  
叫我 keep 住盒嘢!!!

佢都痴痴哋,
"Made in China" 就等如老翻??!!

呢個世界有幾多名牌中國製造,  
全部都假架??

佢當我傻,
以為我唔識上淘寶 check 價呀??

呢盒賣 $75 人民幣咋, 我真係 XXXX 佢,
都仲未鬧佢扮啲貨喺香港,  
扮自己係香港人!!!

我梗係企硬要佢 full refund,
唔係就去 eBay 投訴佢賣老翻...

雖然仲未知收唔收到錢,  
我都決定 report 俾 eBay !!!

** 估唔到, 我會上錯賊船 ~ 唉??!!

買賊船?? 上咗賊船... (1)

以為好醒, 又做咗豬頭炳...

小妹子嘈要買盒One Piece 模型船,  
要大盒嘅, 於是去eBay 揾,  
見呢個 Item Location 喺香港,  
賣US$50 連shipping,
同之前小韻喺香港買嘅差唔多,  
check 過 listing 啲相, 就落Bid 兼俾錢...

噚日一收到個 package, 背脊即刻寒一寒, 點解個盒細咗一半?? 點解郵包喺廣州寄出??
大鑊!!!

唔洗拆盒,
我已經知道上咗當...

~ 待續