小妹子去完Camp 變乞兒

好囉, 終於星期五,

妹子平安返嚟 ~ 放心哂 !!!

不過,

一入門口,

佢成個乞兒妹咁,

污糟到呢...

即刻攞哂佢啲野去洗,

再捉佢沖涼...

最離譜,

佢竟然四日著住同一係衭,

咁帶多三條去 ~ 做乜??

然後,

發現個 Lesportsac 大袋穿咗好多窿,

最初懷疑係行李太重,

佢夾硬晌沙地拉住行,

但望真啲,

應該係俾老鼠咬過...

諗起都好恐怖,

即係話佢哋同老鼠一齊瞓咗幾晚??

救命呀!!!

小妹子去畢業營

「囉囉巒」咗幾個禮拜，

終於出發喇，

眨下眼，

妹子已經小六去畢業宿營...

估我唔到，

竟然會同個女一樣緊張到瞓唔著。

或者因為妹子從來都要貼身照顧，

係個正宗「港孩」，

今次離家四日三夜，

擔心佢凍~唔識加多件衫，

擔心佢餓~冇零食冇霄夜，

真係唔放心！

** 但我又明去camp 係train 佢照顧自己好機會~ 唉！只想快啲星期五！快啲返啦！