小韻爛咗眼鏡

六歲嘅小韻....

今日放學, 
小韻一見到我就雙眼通紅, 
聲都變哂 : "媽媽, 我爛咗眼鏡!!!"

原來PE 堂佢俾小朋友撞埋嚟,  
一隻眼鏡脚斷咗！

可憐嘅小韻, 
被撞親鼻哥, 
又爛咗眼鏡, 
無奈地想喊又唔敢喊。

番到屋企, 
爸B安慰咗佢幾句, 
佢就"嘩"一聲, 
忍得太耐嘅眼淚, 
終於, 一發不可收拾!

我拉着佢小手, 
然後同佢講 : "唔駛驚, 最緊要你冇受傷, 眼鏡撞爛咪去整過囉！"

小韻兩行眼淚, 
喘緊氣, 
點點頭! 

等佢食啲"下午茶" , 
就同佢出去換過一個新眼鏡....

** 只須要換過一個新眼鏡框, 小韻即時再現笑容, 我更開心, 因為替孩子解決咗佢嘅"煩惱"....