荒謬媽媽

小韻上完第一次結他課,

興高彩烈將"奇遇" 講我知,

話說 ~

有個墨西哥嫲嫲帶孫仔嚟琴行報到,

老師對佢哋講 : "小朋友要買一本樂譜, 麻煩你交$7.60 去接待處..."

嫲嫲好緊張 : "吓??!! 點解呀?? 要俾錢架?? 我淨係帶佢嚟咋, 我唔知要俾錢?? 我call 俾佢亞媽問吓先..."

之後, 墨西哥媽媽氣沖沖嚟到,

"嘰哩咕嚕", 口噏噏, 面黑黑俾咗$7.60 買書,

突然又聽到佢好大聲 : "吓?? 乜要帶結他嚟上堂咩?? 我唔知喎..."

老師冇咁好氣, "呢個係結他班, 梗係要帶結他嚟上堂啦!!!"

我成日都講 : 呢個世界好多人好難明白佢哋諗緊乜, 莫名其妙 ~ 好荒謬!!!