洗腎??

Facebook 睇到一個唔錯小 tips,
方便容易,
不妨一試 !

教你一個清洗你的腎臟絶好秘方 ---  作者：神仙一笑
只用蔬菜（芫荽），可以在家裡嘗試。
不用花多少錢就可清洗你的腎臟經過多年來，我們的腎臟過濾血液，

排除鹽，毒素及所有不需物進入我們的身體。隨著時日，鹽毒積累，這需要進行清潔處理我們可以怎樣做呢？

非常容 ~ 

首先將一把芫荽（香菜）洗乾淨，切小段，用清水煮沸10分鐘，冷卻後過濾到一個乾淨的瓶子，存放冰箱。每天喝一杯，將你腎臟所有積累的鹽和其他毒素經排尿排出。並會發現從來沒試過有這麼大的差別。

芫荽（香菜）已被證實為最好及天然的清洗腎臟治療用料。

圖解本草綱目中藥蔬果養生速查全書——吃對蔬菜，百病難侵

核突公主

竟有如此突核公主，
My First Disney Baby Princess, 
到底攪乜鬼??
真係有小朋友會鍾意?

當我又再想起您

時間過得好快, 

眨下眼,
至愛嘅Danny 已經離開咗20年... 
偶像生日,

異常想念...

以下呢篇Blog,

係我 2009 年 Yahoo post 過,

好想再次同大家分享,

我同Danny 最近距離接觸...

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

初出茅蘆, 响電影公司宣傳部做 PR Assistant, 即係"妹仔釘", セ都要做。  
聖誕節, 公司攪咗個special event, 請 Danny Chan 做開幕嘉賓。  
全人類都知我鍾意Danny, 當大家知道呢個消息, 都戥我高興。  
我直頭一諗起就儍笑!!!  
可惜, function 嗰十日, 我要負責賣Video。 攤位距離入口鬼咁遠, 我一定睇唔到opening啦, 冇得見 Danny, 失望到想死 ~ 謝哂 !!!

開幕日, 靚女"波屎" 一早call 醒我 :  "靚"妹, 要化粧呀, 靚啲呀, 千祈唔好失禮吓!! 
我心諗 : 攪セ呀?? 我負責個booth 咋喎, 又冇Danny 睇, 駛鬼咁靚咩?!  我咁青春, 唔化粧都夠靚啦!!! 係肥咗啲啫!!! 咪玩我啦!!! 
點知, 去到會場, 原來 "皮屎" 整隻好牌我上, 叫我去幫手剪綵儀式, 要我做"歡樂小姐" 。 
嘩!!! 俾我上台見偶像, 興奮得我 ~ 即時醒哂!!!

無端端對我咁好, 唔通.................... 因為我靚??!!(hehe...) 
一個美術部, 平日冇セ兩句, 連名都唔知嘅有型四眼仔同事, 自告奮勇話幫我影相!! 
當我行近Danny, 將手上隻Minnie Mouse 送俾佢嗰陣, 心跳加速, "澎澎"聲 ~ 差啲暈低!!!
Danny 就好温柔一句 : "Thank you." 
噢!!! 我死了 !!!

其實, 我更羨慕負責去接 Danny 到會場嗰位女同事, 可以同Danny "同車", 就算要响下等成個鐘, 我都願意!!!

Danny ~ 永遠愛您 !!!

搬遷

Yahoo Blog 年尾執笠,
唔想五年心血冇哂,
嗱嗱聲通知班姊妹,
一齊揾地方"搬" !!!

九月一,
Lulu 帶埋 Mochi 搬入 Google,
重新開始!!!

奧巴馬之後就到佢?

講開嫲嫲,
絕對不得不提佢嗰位 "有錢到無倫",
"吹水皇后" 表妹,
我要稱呼佢做 "表姨婆" 嘅 巴之閉 "亞毛"  ...

據講,
呢位亞毛年紀同我嫲嫲只差一個月,
病到又瘦又乾,
說話氣若游絲,
但依舊喜愛 "作大"...

亞毛拉住嫲嫲打開儲物柜,
"我呀, 冬蟲草一斤一斤咁買架!"

嘩!

亞毛同我姑姐講,
"我呀, 個孫女好叻, 廿幾歲咋, 奧巴馬之後就到佢,
冇佢簽名, 啲Freeway 都唔可以動工架!"

嘩!

原來我有個咁厲害嘅親戚,

失禮哂喎!!!

要90歲嫲嫲瞓街?

我快將90歲嘅嫲嫲專程嚟LA 參加佢表妹壽宴...

雖然我要稱呼佢 ~ 表姨婆,
但事實,
呢啲所謂親戚,
"疏" 到見到面都唔知乜水...

為方便老人家出入,
Book 咗表姨婆屋企 對面 cheap cheap 酒店...

點知...

到 check-in 嘅時侯,
booking 已經 cancel 咗??!!

Front Desk 個女人不單冇道謙,
態度囂張,
仲將剩下唯一雙人房即場賣咗俾其他客人,
嬲到姑姐要 "爆粗",
我老公就指住呢個牌叫個女人 "你收埋檔啦" ...

從未試過咁徬徨,
車住嫲嫲四處撲酒店,
幾個鐘,
天都黑哂,
高級、cheap 嘅都話 "sold out" 冇房 ...

好攰,
好無奈,
只好安排佢哋去我屋企,
就算車程,
都好過要嫲嫲瞓街??!!

零食大補倉

老公打開零食柜,
堆到亂哂,
密密麻麻,
忍唔住叫我 "執下啦"...

由外摷到內,
好多都係亞妹由香港帶嚟 LA 嘅零食 + 港版杯麵,
我又去日本超市買啲薯片 + 朱古力...

然後再發現,
好多過哂期冇人知嘅餅仔...

努力十五分鐘,

嘩!!!

原來真係好多,
可以開間士多!!!

在LA 感受日本

單睇呢篇Blog 嘅題目,
確實係好白痴,
但對於兩年一次遊日嘅我哋,
喺日本 market 食拉麵,
燒肉便當,
雪糕 Crepes,
已經可以慰藉一番,
好開心,
滿足... 
(係咪好可憐??)

失蹤 ~ 後記

好耐冇update 我個blog...

除咗因為allergy 不停乞嗤、流鼻水,
食藥都唔得,
攪到我冇哂心機,
最主要,
都係 ~ 懶!!!

上個 weekend 亞妹有機嚟LA,
陪佢 shopping + 煮飯佢食...

然後小妹子學校 Academic Night 頒獎,
 真係幾唔得閒...

好彩,
呢個星期 Spring Break,
我要好好休息!!!

婚禮

剛過嘅星期六,
去Tustin 參加老公表弟設於Golf Club 小湖泮嘅婚禮,
埸地佈置得好浪漫,
絕對係女孩子嘅 Dream Wedding !!!

當晚以西式 Banquet 宴客,
擺設、燈光、音響同樣豪華。

可惜,
食物質素一般...

然而,
令我最大開眼界,
係個有趣 "免切沙律" 頭盤 (Caesar Salad),
每人一棵 Romain Lettuce (生菜) 開邊,
淋上dressing,
就是了,
竟會如此馬虎!!!

話哂都做咗咁多年酒店,
確實前所未見...

嚇親!!!

Happy Valentine 2013

有朱古力,
有Tiffany 小飾物,
有Piglet 豬仔,
可惜,
冇花...

Happy Valentine's Day !!!

難得的凍

嘩!!!
連續幾晚零 ~ 壹度,

LA 難得超凍!!!

低B 數學題

低B數學題~

買下圖三件貨，
共值$7.49, 
付$20, 
店員該找多少？

同老公行 "Pier 1" 又遇蠢人,

墨西哥籍女店員，
攞住我俾佢張廿蚊紙，
搏命搵，
起勢開完一個櫃筒又一個...

我以為佢揾check 假銀紙用嘅水筆,
幾分鐘後，
佢尷尬地同我講："太太，我揾緊計數機，睇下要找番幾多錢俾你。"

吓??!!
我答話 : "$12.51",
店員猶豫，
我立即攞出手機㩒俾佢睇，
然後佢安心地開收銀機找錢。

呢個時間嘅我，
好似小丸子啲人物咁,
反白眼，
流汗，
激死咗...

末日預告??

"卟" 一聲,
我哋條"村" 加埋附近範圍,
就停咗電九個鐘...

趁 "太陽伯伯" 未落山,
"嗱嗱臨" 要啲女做咗功課先...

成個晏晝,
一家人戇居居坐哂喺廳,
好彩仲有 "4G",
同小妹子玩手機...

睇住個天慢慢黑,
5點喇喎,
仲未有番電,
Oh yeah, 
今晚唔洗煮飯!!!
 
*   *   *

點哂全屋蠟燭,
開著電筒,
兩個小鬼唔驚反而更興奮...

四圍黑 "掹掹",
不如出去行Mall 兼食飯啦,
剩低Mochi 一個留喺屋企睇門口 ~ 惨惨!!!

正當惆悵成晚溜溜長唔知做乜好,
10點正,
"卟" 又有電喇!!!

預告末日有三日全黑,
我哋唔洗驚啦,
我哋rehearsal 咗喇!!!

Birthday Present 2012

多謝老公送嘅生日礼物,
iphone 5, 真係好 "正" !!!

香港好多friend 買咗,
趁好價又賣咗 ...
(我係佢哋都會, 不過, 遲啲會買番...)

實在我部3G 用咗4年都冇壞過,
仲以為可以捱到出 6G 先會換添!!! 
** 難怪俾人寸我 OUT-DATED !!!

Mrs. Bieber ??

噚日去接小韻 (大女) 放學, 
前面架黑色 Mercedes C300 個車牌框寫住 ~

"Hi My Name Is Mrs. Justin Bieber",

ewwww...

咁唔知醜,
即刻想嘔!!!

** sorry, 純屬個人問題, 我哋極度唔喜歡 Bieber 先生...

再喺佢side mirror 見到揸車嗰個係十幾歲學生妹,
佢伸手出車,
有大大隻鑽戒...

嘩!!!

幾富貴都好,
都冇可能買Benz 俾女返學,
唔驚俾人標參咩??!!

** 自稱 Mrs. Justin Bieber 大有人在, 去睇吓 "I'm Mrs. Justin Bieber" facebook fan page, 不知幾多 "Like" !!!

咁都得??

想起笑話一則,

話說 ~

今次返香港,
老公入去 "佐 x 奴" 買底底...

笑面迎人 Sales 姐姐推介話買多一包有discount,
好啦, 就要多一包...

姐姐隨即就話 : "先生, 你要揀啲袜襯番啲底底嗎?"

我老公望住佢 : "哈, 你都幾好笑喎, 買袜襯底衭??"

姐姐自己笑咗笑,
唔好意思咁 : "係呀, 而家有discount 嘛..." 吓?? 唔通而家香港人興買袜襯底衭??

麥當勞 ~ 剝卡-花Pee??

有件事想寫好耐,
又怕俾人話我 "懶叻"...

話說 ~

今次返香港去 Mega Box 嘅 "麥當當" 買 "Mocha Frappe",
因為唔知中文譯咗咩名,
埋去counter 就同個哥仔講 : "唔該, 大杯 Mocha Frappe..." (美音 : Mo-Ka "毛卡", "Fra 披"),
哥仔用鄙視眼光 "啤" 咗我一吓,
可能覺得我唔識,
學咩人扮嘢講英文??!!

然後好晦氣大大聲問我 : "大杯嘅 "剝卡-花Pee", 係咪呀?"
我身旁嘅小妹子碌大雙眼,
跟住佢講 ~  "剝卡?? 花Pee?? The Letter P (字母 P) ??"

** 我知Mocha 中文譯 ~ 莫加...

港式地道英語,
經典 "賣飛佛"、"搓 your breast",
真係幾嚇人...

其他唔講,
最頂唔順連自己個名都可以錯,
明明叫 "Raymond",
叫自己 "哩文"...

"Nancy" 變咗 "Lancy",
好想話俾 "歲月神偷" 嗰個妹妹仔 "Evelyn" 知,
佢應該讀做 "Ever-lyn (音 "Air-va-len", 唔係 Eve-lin "依芙-連")...

清楚正確讀音,
唔好笑死外國人!!!

到底我們做錯了什麽???

空姐亞妹有機嚟咗 LA,

Jet Lag 半夜4 點未瞓,
聽到對面啲狗猛吠...

今早老公出門口寄信,
發現我哋郵箱俾人噴咗字...

一排四個郵箱,
又成街都係,
個個唔畫,
偏偏要畫我嗰個??!!

咁啱香港寄咗嘢俾我又收唔到,
你班賤人偷完我 mail,
仲畫 Graffiti ??

到底我做錯咗咩, 我係咪咁乞人憎???

 
** 前年我哋俾人偷聖誕燈飾添呀...

好熱‧Jamba Juice

噚日真係好熱,
車嘅温度計 check 到外面有95 度華氏 (35℃),
走去Jamba Juice 買咗杯 Mango-A-Go-Go,
舒服哂!