Discrimiation

Discrimination = 種族歧視

好黑仔, 無端端俾個三九唔識七嘅"衰女人"鬧, 點解???? 我究竟衰啲乜? 係咪我個樣太"串" ?

今早出去買啲嘢俾大哥帶去三藩市俾姪女, (我呢個三嬸都算係咁卦??!!) 竟然受到無理對待, 嬲到我震哂, 野蠻人見得多, 未見過咁無理取鬧!

故事係咁嘅:-

我先去Border 幫小韻買書, 泊好車, 預備落車之際, 忽然有架大車wrong direction (佢車頭對住我車尾) 咁泊咗响我旁邊.  

正當我心諗: 等對方停定我先落車, 我就feel 到聽到好大力"彭" 一聲, 嘩! 乜事呀? 我開車門, 人都未落哂車, 個染金髮墨西哥亞嬸, 大大聲好冇禮貌咁: "What, I'm sorry, OK??!! If someone hit my car, I won't treat them like you  X@#X@#..........." 

"Excuse me!!!  Hey, what I have done?  I didn't say anything!"  事實我都仲未睇到發生緊乜事, 已經俾人鬧.... 

我真係火都嚟, 而家佢開門撞我架車, 我都未開口, 佢就惡人先告狀, 見我中國人好"虾"啲!

我冇講粗口, 亦冇大聲鬧番佢, 只係同佢講, 未曾見過咁野蠻女人, 自己唔啱仲聲大夾惡!!!  我苦笑"哼" 咗一聲, 佢仲擰番轉頭繼續鬧我!

我話: "What a bad day!"

"Yes, it is" 佢話.

"It is!!!" 我話番佢 "stupid, crazy!!!".

俾人撞到架車正常反應梗係落車check 吓先, 喂, 凹咗梗捉住叫你賠! 佢諗住大聲嚇窒我.... 我第一時間抄佢車牌, 有乜事即報警!

佢攞明Discrimination, 虾我係Chinese啫, 換正係個大肥黑婆, 睇佢有冇咁串???!

正一臭八婆, 仲係好臭嗰隻, 正衰人!!!

PS> 事後我要去買嘢, 但個人就嬲到傻咗响間鋪頭度行來行去, 要買乜都唔記得....

小韻 4th Grade Project ~~ California Old Mission of San Juan Bautista

應同學仔Mommy 要求, 
將小韻四年級嘅Mission 功課send 俾佢參考, 
不如又post 上 blog 俾大家睇吓！

California Old Mission 係最後一個學期Social Study(社會科) 所教嘅"topic", 
講以前啲歐洲傳教士點樣响加州幫啲土著開闢荒地, 
起教堂傳教。

小韻好揀唔揀, 
因為佢學號#15, 
就take 咗張list 上number 15嘅Mission嚟做！

呢度係距離我哋住嘅city好遠, 
揸5.5鐘頭至到嘅City of San Juan Bautista 內舊教堂!!!

好多家長都好緊張呢個功課, 
因為係要响School Year End 開放日時侯show出嚟, 
做得唔好會好冇面, 
個kid 以後點見人, 
同埋要俾老師知, 
呢對parents 有幾care啲仔女功課！

所以, 有family 專程揸車去 Mission 留一晚, 
就係為咗影啲相做功課。

Project 可以做教堂模型, 畫畫, 或者好似我哋咁做Scrapbook！   
(我之前提過我用scrapbook paper 做wallpaper 嘅所謂scrapbook, 就係呢種嘞, 大家讀書時做project 可能都整過？！)   

因為懶, 
最後我哋都冇上去Mission, 
只係上網download 咗啲information 同大量相片, 
再畫幾多幅圖畫, 
完成咗呢份攞A++ 嘅親子project ...... 靚嗎？

呢個cover 係我同小韻一齊畫架!!!

上面個男人係老公畫, 因為我畫極唔似, 唯有"師父出馬"！

下面個mission bell 係我同女一齊畫!

 

多謝老公~Custom Made Display Table!!!

老公話燈屋set up 响小妹子張BB 枱仔會好多塵, 
所以自已走去Home Depot買料, 
用咗兩個星期時間, 
造咗呢張十足十museum, 
又似百貨公司飾櫃嘅display table 俾我哋! 
 好靚架, 仲裝咗燈仔架！

 

讀Product Design 嘅係唔同啲, 
佢好叻, 
屋企好多嘢佢都識整！
抵讚！

而家間燈屋好complete, 遲啲我會再decorate 到好Christmas.... 

Display box 係用膠片黐嘅.....
未上油嘅Dispaly table....

PS> 老公兩星期前已經勳工, 绝對唔係因為激嬲咗我而造張枱啊.... 

Anyway, 多謝你！老公大人！

女兒的Fairy Tale ~ Part One (Tooth Fairy)

我曾經接觸過的香港小朋友, 無論思想和講說話的態度都較為成熟, "老積"得有點嚇人, 跟他們的實際年齡不太相乎。 所以,  我很想知道, 現在還有多少小朋友會相信有"Fairy ~ 仙子"或者 "聖誕老人" 呢？

香港土生土長的我, 從未聽過有"Tooth Fairy ~ 牙仙子"這回事,  直至大女小韻脫掉第一顆幼齒, 我才知道, 原來外國有這樣的傳說.....

當晚, 小韻小心翼翼地, 珍而重之將她的"BB牙"放在枕頭下, 然後很認真的跟我說 : "媽媽, 今晚我睡着了, "Tooth Fairy" 便偷偷的飛來取走我的小牙兒, 再給我一些零錢!  因為我好勇敢的掉了牙, 所以便給我錢!  上一次, Christine 的"Tooth Fairy" 給了她$2, 而Sydney 那個只給她quarter(25cents)罷了..... "  

 聽後, 我笑着對女兒說 : " 是嗎？你別期望太多, 你的Fairy 都是會"好孤寒", 可能只給你penny (1 cent).... " 

為了不想女兒失望, 我就充當她的"Tooth Fairy", 靜靜的把$5放到枕頭下, 又把那小牙兒拿走收好!
  (我幫她們倆的"BB牙"都收起來, 雖然有點"核突", 但我還是覺得很有紀念價值!!!)

第二日, 小韻興奮地走過來抱着我 :  "媽媽, "Tooth Fairy" 給我五蚊, 她好好, "唔孤寒" 啊！"

**  若你的孩子害怕掉牙, 就告訴Fairy 的事來哄哄他/她吧！

舊年今日....

你記唔記得上年今日做緊乜？

我就一定記得, 
因為我哋全家剛去完日本到咗香港！

東京~大門駅 Pokemon Center

池袋~ Sunshine City

10月3號, 
下晝我去咗尖沙咀剪頭髮, 
亞妹就幫我湊住啲女去旺角行街睇玩具。 
夜晚, 約埋姑姐亞叔成廿幾人去咗山林道食越南嘢....
(諗起都好味！雖然我哋好多人，好嘈！)

呢度邊度？

問啲女香港有乜好食？佢哋會答你 : 街邊雞旦仔, 一落機就嘈住要買!
問啲女香港有乜好玩？佢哋會話 : 坐Choo-choo train (搭地鉄), 用"嘟嘟" card (八達通)買嘢食！

問啲女香港有乜唔好？佢哋話 : 好多佢哋唔識嘅人叫我哋去食飯, 要行好多路, 同埋臭豆腐勁臭!

問啲女香港有乜好？佢哋會答 : 有Vicky 姨姨(我亞妹) !!!

好嘢！終於Off Track 放假!!!

第一個學期嘅三個月(7-9月),  
終於捱完！

捱過咗最熱要番學嘅日子, 
我同啲女都可以鬆一口氣！

今日, 最後一日番學。 
噚日特別做咗兩個蛋糕,
送俾小韻同小妹子嘅Class Teacher,  
多謝佢哋呢一個學期嘅辛苦教導。
(尤其係Mrs. Hirchag, 要教小妹子真係好慘!)

Gateau Chocolate to Mrs. Hirchag  & New York Cheese Cake to Ms. Skvarna

Gateau Chocolate 係見到Blog 友"Owenmama" 做咗mini size, 所以好想試吓, 於是跟佢suggest "大少奶" 嘅recipe 做嘅！

http://hk.myblog.yahoo.com/Delicatessen-ivanbee/article?mid=48374

*** 多謝兩位分享! 個recipe 超 "正"!

New York Cheese Cake 係跟港台美食節目嘅recipe, 已經做過好幾次, 好容易, 材料又簡單！www.rthk.org.hk/elearning/dessert/ cake_ nycheesecake.htm

Student of the Month & Gold Honor Roll

我極少响Blog提到小韻, 
係咪以為我好偏心小妹子呢.????!!!! 

 No, no, no.....

只因為小韻呢個女, 
好靜好內向, 
說話唔多, 
亦絕對唔似小妹子咁多古靈精怪! 

我兩個女, 
直情就係小丸子同佢姐姐嘅翻版, 
就連性格都一模一樣。
之但係, 雖然小韻唔多出聲, 
但千祈唔好撩起佢把火, 
發起脾氣上嚟, 
可以同妹子打到飛起, 
絕不留情!!!    

今日, 
小韻响早會攞咗九月份Student of the Month - Principal Award for 5th Grade Student, 
我都有出席頒獎禮。(雖然佢怕瘀唔想我去.... ) 

另外, 
佢仲攞咗今個學期嘅學業獎, 
Gold Honor Roll, 每科平均97.5% 以上先可以有Gold Honor!!!

唔係我讃自已個女, 
佢真係好叻！
好彩唔似我又蠢又懶.... 
(但係小妹子就遺傳晒....唉！我知冇咁perfect 兩個女都可以咁叻  )

 

小韻响四年級Year End 嘅加州小學公開基本試, 
Math 攞足600分滿分, 
英文都有526分係Advanced Level。  

佢睇好多書, 
乜類型都鍾意睇, 
而家佢識嘅嘢仲多過我.....

小韻, 媽媽好lucky有你呢個女, 
個個教過你嘅老師都話好開心有你呢個好學生！

We're so proud of you, Natalie !!!