瞓過"龍" ??!!

撞佢鬼吖,
換咗新牀單,
成晚好似有蟲仔咬,
周身痕,
好唔舒服,
攪到今朝兩個 "Alarm" 響咗都照瞓...

突然間扎醒,
"吓, 7:28, 小韻
遲到喇 !!!"

嚇得我成個跳起,
叫醒老公同女,
以9秒9 極速刷牙洗面整lunch 整早餐,
然後老公飛車送小韻,
我繼續攪小妹子... ************************** 小韻今日去Field Trip,

返到學校已經打咗鐘,
如果巴士走咗冇得去,
一定喊死佢,
嬲死我!!!

鄰居伯伯跌倒

噚日下晝,
同小妹子買完嘢返屋企,
見到日籍鄰居伯伯瞓咗喺 Driveway 地下,
佢太太攞住染哂血嘅 tissue,
對面屋兩個鬼妹荒張咁跑過嚟話 call 咗 "911"...

"哎吔, 咩事呀, 一地血嘅??"
嚇死我,
嗱嗱聲泊好架車,
衝入屋叫埋老公出嚟幫手... 

*   *   * 兩個老人家一早出去睇醫生,
可能太勞累,
伯伯一落車跣腳就跌倒,
頭撞落地穿咗,
流好多血 !!!  
*   *   * 救護人員檢查後,
表面冇大礙,
穿咗頭需要縫針,
今日要去醫院 scan 腦...  
*   *   *
當我扶住本來肥嘟嘟,
因為心臟有事忽然暴瘦嘅伯伯,
就諗起我老爸,
佢都試過喺街跌到撞穿咗頭要鄰居幫手...  
*   *   * 有一日我都會老,
希望唔好太 "論盡" ...

葬禮的奇怪事

爺爺棺木旁,
鑲咗 6 個 "耶穌聖像",
安息彌撒中由神父 "祝聖",
禮成後,
分俾5 個仔...

爺爺落葬前,
工作人員同嫲嫲講,
其中一個 "聖像",
用盡辦法都拆唔到出嚟,
要陪爺爺一齊安葬...

*    *    *
事後,
大家都深信不疑,
件事其實另有原因...

* * *
爺爺嫲嫲本來有 6個仔 4個女,
而四叔喺十幾歲時,
因為游水湡溺過咗身...

於是,
大家都認為,
既然每個仔都會有一個 "聖像",
一定係爺爺唔俾拆走,
要留起帶去俾四叔...

*    *    *
係巧合?? 定早有安排??
我兩者都信!!!

2012 倫敦夏季奧運 cookie

返温哥華之前,
小妹子千叮萬囑要我買手信...

陪亞媽行 "Shopper Drug Mart",
見到呢罐 "雙層巴士 ~ 2012 倫敦奧運" cookie,
要$9.99 (加幣),
貴都照買...

裏面係普通牛油曲奇,

(味道仲要係麻麻哋...)

買佢原來只係為個 "巴士" 罐!!!

道別爺爺...

4月25,
告別爺爺...

看到他安祥的遺容,
大家都在飲泣...

我站到棺旁,
哭着說 : "亞爺, 我回來了!!!"

葬禮彌撒過後,
爺爺長眠於 Surrey...

來去怱忽,
三日兩夜回鄉只為殯喪,
辦妥事,
我就速速回家...

現又努力幫忙女兒趕功課,
做家務...

回鄉的感覺

沒有孩子同行,

不覺得輕鬆了,
反有點傷感...

數數手指,
八年沒回來...

步出機場,
深呼吸,
嗅一嗅温哥華的獨特 "氣味"...

天色漸暗,
微絲細雨,
勾起陣陣充滿淚水的片段...

縱然在温哥華的日子並不怎麽愉快,
但, 這地方,
實在很美....

爺爺, 走了...

2008年11月,
温哥華傳來爺爺病重的消息,
各方叔伯兄弟,
馬上趕回去看他 "最後一面" (剩我沒有...)

數天後,
爺爺奇蹟地好轉,
雖然不再是 "行得走得",
但總算 "精精神神",
這樣,
過了三年半...

今天,
昏迷整個星期的爺爺,
要回天家去了...

我心情平靜,
悼念爺爺,
願 您一路好走,
安息 ~ 爺爺 !!!