當我又再想起您

時間過得好快, 

眨下眼,
至愛嘅Danny 已經離開咗20年... 
偶像生日,

異常想念...

以下呢篇Blog,

係我 2009 年 Yahoo post 過,

好想再次同大家分享,

我同Danny 最近距離接觸...

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

初出茅蘆, 响電影公司宣傳部做 PR Assistant, 即係"妹仔釘", セ都要做。  
聖誕節, 公司攪咗個special event, 請 Danny Chan 做開幕嘉賓。  
全人類都知我鍾意Danny, 當大家知道呢個消息, 都戥我高興。  
我直頭一諗起就儍笑!!!  
可惜, function 嗰十日, 我要負責賣Video。 攤位距離入口鬼咁遠, 我一定睇唔到opening啦, 冇得見 Danny, 失望到想死 ~ 謝哂 !!!

開幕日, 靚女"波屎" 一早call 醒我 :  "靚"妹, 要化粧呀, 靚啲呀, 千祈唔好失禮吓!! 
我心諗 : 攪セ呀?? 我負責個booth 咋喎, 又冇Danny 睇, 駛鬼咁靚咩?!  我咁青春, 唔化粧都夠靚啦!!! 係肥咗啲啫!!! 咪玩我啦!!! 
點知, 去到會場, 原來 "皮屎" 整隻好牌我上, 叫我去幫手剪綵儀式, 要我做"歡樂小姐" 。 
嘩!!! 俾我上台見偶像, 興奮得我 ~ 即時醒哂!!!

無端端對我咁好, 唔通.................... 因為我靚??!!(hehe...) 
一個美術部, 平日冇セ兩句, 連名都唔知嘅有型四眼仔同事, 自告奮勇話幫我影相!! 
當我行近Danny, 將手上隻Minnie Mouse 送俾佢嗰陣, 心跳加速, "澎澎"聲 ~ 差啲暈低!!!
Danny 就好温柔一句 : "Thank you." 
噢!!! 我死了 !!!

其實, 我更羨慕負責去接 Danny 到會場嗰位女同事, 可以同Danny "同車", 就算要响下等成個鐘, 我都願意!!!

Danny ~ 永遠愛您 !!!

搬遷

Yahoo Blog 年尾執笠,
唔想五年心血冇哂,
嗱嗱聲通知班姊妹,
一齊揾地方"搬" !!!

九月一,
Lulu 帶埋 Mochi 搬入 Google,
重新開始!!!

Coach

心情跌至谷底,
匿埋屋企,
online shopping ...

痴咗線,
好似唔駛錢咁,
手鈪、銀包、wristlet,
買, 買, 買!!!

今日收到貨,
竟然一啲都唔興奮,
認真撞鬼,
原來我真係好唔開心喎 ~ 唉!!!

奧巴馬之後就到佢?

講開嫲嫲,
絕對不得不提佢嗰位 "有錢到無倫",
"吹水皇后" 表妹,
我要稱呼佢做 "表姨婆" 嘅 巴之閉 "亞毛"  ...

據講,
呢位亞毛年紀同我嫲嫲只差一個月,
病到又瘦又乾,
說話氣若游絲,
但依舊喜愛 "作大"...

亞毛拉住嫲嫲打開儲物柜,
"我呀, 冬蟲草一斤一斤咁買架!"

嘩!

亞毛同我姑姐講,
"我呀, 個孫女好叻, 廿幾歲咋, 奧巴馬之後就到佢,
冇佢簽名, 啲Freeway 都唔可以動工架!"

嘩!

原來我有個咁厲害嘅親戚,

失禮哂喎!!!

要90歲嫲嫲瞓街?

我快將90歲嘅嫲嫲專程嚟LA 參加佢表妹壽宴...

雖然我要稱呼佢 ~ 表姨婆,
但事實,
呢啲所謂親戚,
"疏" 到見到面都唔知乜水...

為方便老人家出入,
Book 咗表姨婆屋企 對面 cheap cheap 酒店...

點知...

到 check-in 嘅時侯,
booking 已經 cancel 咗??!!

Front Desk 個女人不單冇道謙,
態度囂張,
仲將剩下唯一雙人房即場賣咗俾其他客人,
嬲到姑姐要 "爆粗",
我老公就指住呢個牌叫個女人 "你收埋檔啦" ...

從未試過咁徬徨,
車住嫲嫲四處撲酒店,
幾個鐘,
天都黑哂,
高級、cheap 嘅都話 "sold out" 冇房 ...

好攰,
好無奈,
只好安排佢哋去我屋企,
就算車程,
都好過要嫲嫲瞓街??!!

MGM ~ KA' 的慘劇

上星期六,
Las Vegas ~ MGM Grand 發生慘劇,
當時,
我吔就喺呢度中菜廳食飯...

噚日睇到呢段新聞時,
確實係嚇咗一跳...

KA 呢個 show,
幾年前有睇過,
非常刺激...

我同老公都打算睇多次,
可惜...

即使再入場,
都有陰影 ...

(Cirque de Soleil) 太陽劇團** 今次我哋就欣賞咗同一個劇團喺  Bellagio Hotel 嘅 Show "O",
覺得跟 Wynn 嘅 Le Reve 好類似,
冇乜驚喜...     

Las Vegas, Here I Come...

Las Vegas (拉斯維加斯),
距離我哋只有3.5 小時車程 (如果交通暢順, 冇塞車...),
上個 weekend 去咗"玩四日...

呢幾年,
老公對 "賭" 嘅興趣大減,
 所以,
隔兩年先去一次,
睇 Show、食 Buffet !!!

不過,
呢幾日熱浪入侵,
平均攝氏 45-8 度,
熱到溶,
真係好焗 !!!