我也來 "星星"

當好多香港人忙完追 "星星",

我早兩日先開始...

從來對韓劇冇好感,

唔係哭哭啼啼,

就係 "懶" 攪笑...

既然大家都追 "星星",

我就即管睇下有咩咁好睇??!!

咦,

睇咗10集,

OK喎, 接受到,

或者因為全智賢真係好可愛,

佢啲衫好靚,

起碼啲演員冇成日喊咁討厭先啦...

之前個個睇 "半澤直樹",

我就 "半集直瞓",

悶到呢 ~ 都唔明有乜好睇!!!  

衰格人

"今次",

我口中嘅所謂 "衰格人",

就係知道我返香港叫我 order/買嘢嗰幾個 "朋友"...

貨到咗通知佢啦,

有個話同 online 張相唔同色唔想要, (喂, 你自己揀架喎...)

有個竟然扮傻唔認數, (喂, 係你話買架喎, 梗係諗住我唔收番錢, 送俾佢??)

正一 "衰格人",

一定冇下次,

朋友都冇得做呀!!!

錢 ~ 我要出住先,

貨 ~ 我要帶返去,

我仲唔係有錢賺喎,

我都覺得自己太好人!!!

請為我家的老人家，加油打氣!!!

剛收到細姑姐 "Whatsapp",

嫲嫲這兩天身體很差,

下不了床,

氣喘...

年初一,

我跟她通電話,

聽得出她的精神不錯...

真擔心,

老爸有病,

嫲嫲又有事...

不用怕,

我為您們打氣,

請加油啊,!!! 

小妹子去完Camp 變乞兒

好囉, 終於星期五,

妹子平安返嚟 ~ 放心哂 !!!

不過,

一入門口,

佢成個乞兒妹咁,

污糟到呢...

即刻攞哂佢啲野去洗,

再捉佢沖涼...

最離譜,

佢竟然四日著住同一係衭,

咁帶多三條去 ~ 做乜??

然後,

發現個 Lesportsac 大袋穿咗好多窿,

最初懷疑係行李太重,

佢夾硬晌沙地拉住行,

但望真啲,

應該係俾老鼠咬過...

諗起都好恐怖,

即係話佢哋同老鼠一齊瞓咗幾晚??

救命呀!!!

小妹子去畢業營

「囉囉巒」咗幾個禮拜，

終於出發喇，

眨下眼，

妹子已經小六去畢業宿營...

估我唔到，

竟然會同個女一樣緊張到瞓唔著。

或者因為妹子從來都要貼身照顧，

係個正宗「港孩」，

今次離家四日三夜，

擔心佢凍~唔識加多件衫，

擔心佢餓~冇零食冇霄夜，

真係唔放心！

** 但我又明去camp 係train 佢照顧自己好機會~ 唉！只想快啲星期五！快啲返啦！

新年願望

知道爸爸患重病,

作為大女兒的我,

表現異常平靜...

也許,

早已心裏有數,

當妹妹告之一切,

不太意外...

今年的願望,

是爸爸可以安好,

不會太痛苦...

也祝願各人 ~ 身體健康 !!!

平淡的聖誕日

這個聖誕日你過得怎樣？

我，

跟往常一樣，

沒什麼特別驚喜...

為家人準備聖誕夜大餐，

打掃洗碗碟，

忙了一整天，

就是了！