小妹子都考到GATE???!!! 我哋Off-track嘞!!!

今早見到小妹子Kindergarten 嘅老師 Mrs. Keck, 
佢好興奮咁攬住恭喜我, 
我好奇怪？
セ事呀？

原來妹子都考到GATE class.... 
好開心, 
好SURPRISE 呀!!! 

下午就收到confirmation letter....

豬旦人都考到GATE 呀!!!

** GATE class = Gifted and Talented Education 

(精英班, 政府有特別資源培訓呢啲小朋友!!!) 

掛住嫲嫲....

今日跟嫲嫲通電話.... 

一聽到她的響亮聲音, 
我即兩眼通紅, 
然後淚水奪眶而出....  

想起來, 
我已經有五年沒有見她, 
也就是我五年沒有回加拿大了！

自爺爺病重以後, 
嫲嫲堅持每天都要到醫院看他兩趟。
這陣子的温哥華, 
非常冷, 
又落大雪, 
實在難為年老的她, 
太辛苦了！

這是我早前為嫲嫲寫的一篇短文和她的近照, 當時的爺爺還是精神奕奕的 :~

我都有一個野蠻奶奶, 所指的"奶奶", 並非廣東人口中"家婆", 丈夫的媽媽。
我說的是祖母大人, 我的嫲嫲是也！

嫲嫲是我家地位最崇高的人物, 聲如洪鐘, 霸氣十足。 她要野蠻起來, 誰也不敢逆她的意。她既是一家之"煮", 更是一家之"主"。因為她不幸地嫁了個不中用的老公, 就連自已泡個杯麵也不曉的懶人。我爺爺從來只懂飯來張口, 閒來就是跑跑馬, 賭賭狗, 跟朋友喝喝茶, 打打麻雀, 生活舒服到不得了的"大少爺"。 他們的十個孩子, 六男四女, 全都由嫲嫲一手帶大。過往生活窮困, 日子艱苦, 若不是她夠"硬淨", 夠惡, 單靠我爺爺, 怎能撐得起全家！ 

小時候, 父母曾分開過, 我就被送到嫲嫲家去寄住。八歲那年, 有次跌傷, 就是她背起我去看醫生。 她龐大而又肥"嘟嘟"的身型, 背着我走幾個街口, 真是吃力！到現在想起來, 很感動！

雖然嫲嫲今年已經八十有六, 兒孫滿堂。 但, 家中事無大小, 或遇有任何不公平事, 仍是得要她出手處理, 主持公道。

老人家少不免會有小毛病, 但大致上她總算是身體健康。

我很尊敬嫲嫲, 但願~ "我的野蠻奶奶" 長命百歲！

嫲嫲, Lulu 很想你啊！I Love you !!!

LA 的 Christmas Eve ~ Waiting for Santa...

啲女响網上追踪Santa, 睇吓佢而家去到邊個國家, 幾時嚟到LA :~

 http://www.noradsanta.org/en/home.html

小韻嘅Christmas Drawing....
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
LA嘅Christmas Eve 好凍, 終於要開壁爐....
(Lulu 今晚一於要燒Santa "肥pat pat"....hehehe)

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
小韻食完24粒Christmas Chocolate Countdown....
聽日就係Christmas Day嘞! 

哈!! 小妹子今次唔單止冇cheating, 
竟然仲有7 粒唔記得咗食喎, 
可能盒朱古力唔多好味....

Get ready to Welcome our Santa.... hohoho....

English Butter Shortbread, Milk and a "Thank you" note from the girls....

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
今日自己出去Last minute shopping, 
主要係買餸。

聽日(25號) 冇舖頭開門, 
好驚有買漏, 
尤其係啲要嚟煮大餐嘅材料, 
冇就弊傢伙!!!

四圍都好多人, 
俾錢都排長龍, 
我用咗成頭鐘响Walmart, 
真係嘥我時間!!!

小妹子 1st Grade ~ Christmas Party 08

12/18 Thursday, 2:00pm, 小妹子 1st Grade Class Party....

因為想幫女影啲相, 
所以去做"Mom Helper"....

兩個女嘅party同一日, 
同一時間, 
所以只可以"是但"揀一個party 去幫手。
可惜, 原來兩個女都唔係好想我去...

(點解呢？真係有啲傷心....)
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
Decorating Christmas Sugar Cookies....

 

 Playing games....

Room Mom read them a Christmas Story....

小妹子won a book from the "Lucky Draw"....

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
預備送俾老師嘅禮物....
一籃日本零食俾小妹子老師Mrs. Hirchag....

 小韻老師Ms. Skvarna係一籃Loreal 美髮用品....

美艷動人嘅超級好老師~ Ms. Strader, 
雖然唔係啲女嘅老師 (希望妹子明年可以去到佢嗰班), 
但佢永遠都係 "our favorite teacher", 
所以大時大節送禮,
一定預佢！ 
今年有一杯Biotherm 唇膏同 Lip Gross, 
仲有一盒日本餅....

What a Fun Day !!!

女兒的Fairy Tale ~ Part Three (聖誕老人點解你咁肥？)

                               

                       

                                 

"嗨！聖誕老人點解你咁肥?

                                

 stuck @ the top of the chimney.... too bad, you're too fat??!!

根據我啲女講 : 
每家每户小朋友都準備一啲cookie 同一杯milk 招呼聖誕老人, 就算每次只咬一啖, 都已經夠肥啦.... 哦, 原來如此, Lulu 媽媽又學到嘢嘞！

** "過門都係客", 若果以前你收唔到聖誔老人嘅礼物, 唔係因為你唔乖, 而係可能因為你冇嘢食招呼佢呀!!! hahaha....

小韻爛咗眼鏡

六歲嘅小韻....

今日放學, 
小韻一見到我就雙眼通紅, 
聲都變哂 : "媽媽, 我爛咗眼鏡!!!"

原來PE 堂佢俾小朋友撞埋嚟,  
一隻眼鏡脚斷咗！

可憐嘅小韻, 
被撞親鼻哥, 
又爛咗眼鏡, 
無奈地想喊又唔敢喊。

番到屋企, 
爸B安慰咗佢幾句, 
佢就"嘩"一聲, 
忍得太耐嘅眼淚, 
終於, 一發不可收拾!

我拉着佢小手, 
然後同佢講 : "唔駛驚, 最緊要你冇受傷, 眼鏡撞爛咪去整過囉！"

小韻兩行眼淚, 
喘緊氣, 
點點頭! 

等佢食啲"下午茶" , 
就同佢出去換過一個新眼鏡....

** 只須要換過一個新眼鏡框, 小韻即時再現笑容, 我更開心, 因為替孩子解決咗佢嘅"煩惱"....

小妹子的 1st Grade School Christmas Project

小妹子嘅Christmas 功課, 
星期五要交....

其實咁嘅project, 小一學生憑佢自己一個人, 
邊攪得掂？

咁....即係叫我做....

等妹子填顏色就慘囉, 
勞氣到呢.... 

油少少就走咗去, 
喝住先坐定一陣, 
咁嘅功課做咗兩個下晝, 
五個鐘頭 ~  有冇攪錯!!!