Father's Day

Happy Father's Day!!!

星期二去完Library, 
出The Shoppes 行街街。 

小韻好乖乖, 
話不如兩姐妹夾錢買咗件Tee俾爸B做父親節禮物, 
噚晚再畫多張card, 
 踏正十ニ點, 
送咗俾爸B...

星期六下晝, 
自己一個人出去買餸, 
Costco, 99, Albertson's , 
跑完三個地方, 
好攰, 成個人散哂!!!

1:30am 先call 到, 
揾到Daddy, 
亞妹又幫我送咗禮物俾佢 ~ Done !!!
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

今日, Father's Day 正日, 
老爺奶奶會過嚟我哋屋企BBQ...

 

老公負責燒, 
我哋等食...

係咪好似SF 嗰套 BBQ set 呢? 

 牛扒, 雞翼, 腸仔, 沙律, 白飯(老爺要食啲飯)

Calico Critters ~ 誰住在樹屋? 兒童創作比賽公佈結果

仲記得我兩隻小鬼参加咗"Calico Critters" 繪畫比賽嗎?

今日收到兩個小郵包...

小韻同小妹子都得到 second place, 
獎品就係呢個熊仔Family...

嬴唔到樹屋我好鬼失望!!! (因為我一定唔會買...)

 

不過, 佢哋就已經好開心滿足!!!

Anyway, Congratulations, girls!!!

One Seat For the Old Grandpa

Hahaha....

前幾日, 爸B 教啲女中文數量詞...

一隻狗,

一張枱,

一支筆...

於是, 我就問 : セ嘢係 "一位老伯伯" ??

小韻 :  " One seat for the old Grandpa"...

Hahaha.... 

Good answer !!!

行書店 ~ Barnes & Noble

我哋正式放off-track 假!!!

噚日, 
我提議三母女出The Shoppes 行街街, 
小韻竟然第一個話"好" !!! 

奇怪?? 佢不嬲好怕出街...

先去Sanrio 買啲文具, 
之後去Barnes & Noble 睇書...

同去Target, 
小韻買咗對Roller Blades ...

 

 

Last Day of this School Year

終於嚟到今個學年最後一日, 
有啲唔捨得Mrs. Hirchag (妹子老師) , 
同佢hug, say goodbye 嘅時候, 
終於忍唔住喊, 
我真肉酸...

為老師準備咗小小心意... 
(日本market counter shop嘅 ~ 神户威化, 好薄, 好好味架!!)

仲有晒番噚日Field day 啲相 + 一包糖仔俾小朋友...
另外, 會送隻老鼠仔擺設俾我哋"Miss 靚靚 ~ Miss Strader"...

要派成績表喎, 
點解兩隻小鬼一啲都唔緊張??!!
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
放咗學 2:00pm, 
小韻嘅肥肥老師又約小朋友一齊去睇戲。 

今次係睇Disney 新嘅3D 卡通"UP"...

妹子又嘈要去, 我同老公就跟埋去!!!

http://disney.go.com/disneypictures/up/

故事 : ~

一個渴望成為飛行家嘅小男孩 Carl, 偶爾遇上志同合道, 希望可以去南美 ~ Paradise Falls (a land lost in time) 探險嘅小女孩Ellie...

兩人長大, 相戀, 結婚, 年老, 恩愛甜蜜...

直至Ellie 老去, 始終未能實現去南美嘅夢想!!!
為咗完成太太遺願, 已經係老伯伯嘅Carl, 決定用好多好多汽球, 升起埋佢間屋, 同"Ellie"飛去Paradise Falls.
肥仔小童軍Russell, 本想為Carl伯伯做義工而換取升級獎章, 成為高級童軍, 點知佢去探訪時候, 正係Carl出發之日, 於是, 無意中跟埋伯伯一齊飛咗上天...

3D 做得好好, 故事簡單, 小朋友一定睇得明。

我好鍾意套戲上半部份 Carl 同Ellie 細細個認識, 同後來結婚, 年老嗰段, 好sweet!!!

雖然其中兩小節戲有啲悶, 但, 後段戲有唔少攪笑部份架!!! 

都值得去睇嘅!!!

School Year End Field Day

今朝早, 
我哋Track A 全部小朋友(K-6th Grade),  
都可以唔駛上堂, 
過咗去學校隔離個公園玩, 
兼picnic。
 
佢哋梗係開心啦, 
難為我哋自願去幫手嗰班家長, 
企足三個鐘陪你哋做阿四...

 

小韻 class... (見肥肥老師嗎?)

 

小妹子 class... 
班細路曳到死, 
我全程跟實佢哋, 
幫手老師睇住啲男仔...

 

 

玩水...
全部濕哂...

 

海綿擺頭...

 老師請食雪條... 

等佢哋食完番入班房先走!!!

YMCA 報名學游水

小妹子突然要求要去上游水班... 
(我本來都諗住今年俾佢去)

YMCA 係我唯一選擇, 
雖然貴少少(US$77 ), 
又要俾 membership ($45), 
但, 因為city 開嘅班, 
時間夾唔到7月以後要番學, 
冇辦法!!! 

 

呢度啲人好變態, 
八點半開始報名, 
五點就有人排隊...

老公唔俾我咁早出去, 
但係, 我又担心報唔到名, 
於是, 成晚碌來碌去,
我諗我三點幾至瞓得著,
今早未夠五點半, 
自動扎醒... 

既然都唔會瞓得番, 
不如早啲走去YMCA 睇吓!!!

今年改咗制, 
唔駛排隊, 
六點開始可以簽到, 
之後八點半再番去登記, 
咁就好好多, 
唔駛傻更更咁企個幾兩個鐘!!!

雖然我準時六點去到, 
但張sign-in list 已經有十五個人, 
真係好難想像排第一嗰個今朝幾點去霸位。

最終都攪掂, 
我完成任務...

小妹子, 要俾心機學呀!!!