鋪草皮

好攰呀!

星期六、日, 
全家出動剷草、鋪草皮...

加州制水, 
一星期只准淋水兩日, 
每次15 分鐘...

Summer 勁熱又曬, 
front yard 同 backyard 啲草乾死哂...

我哋條"村" 管理處話要我哋整草, 
唔係要"供審"完再罰錢...

於是, 
逼於無奈, 
唔整唔得,
汗流夾背, 
手都軟哂, 
(要貼住脫苦海瞓覺...) 
都仲未攪掂...

下星期仲要繼續!!!

Student of the Month 2009

上星期五小妹子派功課folder,  
見有張note,

咦, 小妹子被老師選咗做7月份Student of the Month,

即係今個學年佢嗰班第一個優異生喎...

嘩!  "妹子, Mami 好開心呀"!!!

小韻用啲鄙視眼光兼語氣話,

"我都有一張呀!!!"

吓! 真嘅??!!

"Mami 今次真係勁開心呀"!!!
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
 今早同老公一齊出席頒獎Assambly...

見到啲女咁叻, 
好開心, 
但又自覺好慚愧,

自己讀書認真失礼, 
好彩佢哋似我老公...

I'm so proud of you,

Congratulations, Girls!!!

小妹子仲未病好呀！

噚晚,
去嫲嫲度食飯之前,
帶小妹子去睇医生,
我都知佢係喉嚨發炎,
要食"抗生素"。 

但係,
佢食咗藥,
反而仲燒番......

今日,
仲有燒,
我冇俾佢番學！

我去揾老師攞功課,
嘩！
老師留番俾佢嘅classwork 同homework多到不得了,
以呢隻懶鬼做功課嘅速度,
真係weekend 都未必做得完!!!

好彩, 佢仲識整古做怪, 我就冇咁担心！

Parents Teachers Conference 2009

新學年開始咗個半月, 
學校安排Parent Teacher Conference (家長會)。

2:40pm 先去見小妹子老師...
其實, 
都真係冇乜特別嘢講, 
Mrs. Thompson 不停讚妹子叻, 
reading 同writing skill 都好好, 
啲好難嘅maths 都可以有100%, 有時, 
仲可以幫老師做checking, 
教其他小朋友潻。

上堂好留心聽講, 
好乖, 又舉手答問題!!!   
(真係難以置信, 我都唔知自己個女咁犀利, 嘩, 厲害!!!)

不過, 
啲字就非常醜樣, 
又唔整潔, 
classwork 又擦得唔乾淨呢... 
衰咗!!!

3:15pm 到見小韻老師 
Mrs. Riley 話驚佢俾小韻啲嘢唔夠challenge, 
怕佢覺得太淺會悶... 唔...

班裏面程度好參差, 
好難做到大家都一樣, 
老師話 : 唯有俾多啲難啲功課俾upper level 嘅小朋友, 
希望唔會因為要遷就"大圍"而覺得學唔到嘢咁話喎!?!?

小妹子的迴轉壽司

上次亞妹嚟LA買咗套迴轉寿司玩具俾啲女, 
因為只得條track (部機), 
冇寿司配件, 
都唔好玩嘅, 
所以, 
一直收埋... 

今晚同老爺奶奶, 
大哥啲女一齊去食日本嘢, 
就順便去日本market 買啲零食...

竟然俾小妹子發現有寿司"Rement", 
佢又用可憐眼, 
双眼發光咁望住我, 
見係$3.49, 好啦, 
兩姊妹每人買一盒啦!!!

打開見到又真係好得意喎, 
仲啱哂我哋set "Kuru Kuru Sushi" 喎, 
又去買多兩盒...

返到屋企, 
小韻set up 好之後...

睇吓, 幾靚靚!!!

 

 

 

Charming Teacher ~ Ms. Strader

從未遇過咁好嘅老師, 
喺我哋眼中, 
Ms. Strader 簡直就係個內外都咁靚嘅"天使" ...

今早, Mochi 突然吠得好大聲, 
我哋冇為意, 
只係喝停佢。

下晝,  
老公帶啲女去踩完單車番嚟, 
經過正門, 
發現有兩袋禮物。

礼物就係呢啲做手工嘅package...

哦, 原來今朝係Ms. Strader 嚟過, 
放低咗兩包surprise, 
唔怪得Mochi 咁嘈啦!!!
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

Off-track 放假呢個月, 佢每星期至少同小韻互通email 3次; 每每佢有新消息, 新動向, 都會email 同我講, 當正我係好朋友。

老師對我啲女真係特別疼錫, 好似今日咁, 親自送surprise 嚟俾佢哋已經唔係第一次，平日喺學校, 大時大節, 佢都會一早預備小礼物俾佢哋。

嚟緊9月新學年, Ms. Strader 已肯定唔能夠番Wickman 教, (因為冇位),  School District 安排佢去Cortez Elementary, 一間好舊, 而又係墨西哥人聚居嘅小學教2年級。 上星期佢去打點一吓, 點知, 佢一去到就嚇咗一跳, 上一手個老師污糟到呢... 佢要用3個鐘去打掃清潔課室。
Ms. Strader 打扮到好靚, 個classroom 又執拾到好整齊好香(佢點香薰架), 平日派俾學生啲homework folder 都係要pack 得好靚, 我可以想像到, 當佢見到自己將要去啲咁嘅環境教書, 嗰種失落心情, 佢又點會開心呢?? 

我收到佢email, 都唔識安慰佢嘞! 希望可以有新轉機, 唔駛去Cortez 啦! 

小妹子不游水了!

今個月, 
游水班將小妹子升"呢"(level), 
由BB 班去中班。

第一堂, 新老師要小朋友用自由式游一個塘...

吓?? 唔係丫嗎?

我見小妹子游去深水區, 
我真係好驚, 
個女未ready 可以游到咁遠, 
我好驚佢唔夠氣去到深水區會浸親。

佢個group 有四個唔同程度嘅小朋友, 
小妹子係最差嗰個...

唔明點解老師要move 佢, 
夾硬要佢升一班? 

我太担心, 
上一堂, 
同佢老師講, 
唔好俾佢游過去, 
唔到地, 
佢會好驚, (我仲驚), 
點知話唔得。

咁我就叫妹子游唔到就扶住旁邊條lane 線啦, 
老師又鬧佢... 

根本, 
呢個老師係唔可以同一時間take care 4個小朋友, 
佢叫一個小朋友自己游過去深水區, 
但又同時間掛住教另一個, 
萬一有事, 
佢救得邊個先?? 
雖然有救生員, 
浸親會好驚, 
何況係小朋友... 

我唔想push 個女, 
亦唔想有咩意外, 
我又唔係要個女好似Michael Phelps, 
既然係咁, 
我唯有quit, 
唔去嘞, 
下個summer 先再算啦!!!

PS> 今日亞妹生日, Happy Birthday, Vicky!!!