俾蟲仔咬

上星期一,
小妹子放學返嚟換衫,
發現肥肚"dum",
肥大肶加埋有三十幾粒 "紅疹",
好肉酸,
好可憐呢!!!

我立即幫佢清潔間房,
洗哂煱過啲床單、被鋪、毛公仔,
再幫佢搽藥...

之後幾日放學都依然發現有新 "粒粒",
我懷疑係學校汚糟有蟲仔咬...

星期四 email 佢 teacher,
星期五一早就同老公去學校,
了解到底咩事,
有冇其他小朋友都有問題...

點知,
學校個 nurse 要我哋即係帶個女走,
仲要有医生紙先可以再返學,
十足當我哋發瘋 "生人勿近" ...
 
既然咁嚴重,
我哋就即刻去睇醫生,
証實係俾蟲仔咬引起皮膚過敏,
唔洗咁緊張...

我哋冇講過要追究,
學校就明顯推卸責任,
猛話其他人冇事,
冇可能喺學校咬到...

我哋仲有乜辦法,
惟有每朝噴咗蚊怕水先返學,
或者係妹子特別肥美、好味!!!